大量名姓做一改揣——做一改講我的名
用 Google Sheet 做一改揣大量名姓讀音
最近做台語台的選舉網站，為著欲處理大量立委候選人的名字臺羅，開發出這个做一改處理大量名姓讀音查詢的程式。佇遮開放予所有有需求的人使用，各位學校的先生若欲處理學生名單應該會真方便。 這个程式是利用教典名姓查詢附錄的原始資料創的，關係名姓查詢附錄的發展過程 Liz Lim 先生前幾工才佇伊的面冊介紹過，是一个真好的民間佮官方合作的案例，歡迎逐家去讀佳怡先生的文章。 另外教典的原始資料其實有收老泉韻母 ir er 的讀音，毋過教典是袂顯示的，毋知啥物原因，可能是意傳的語音合成功能無支援，這个表格嘛會共列出來喔。 檔案的連結佇頂面，頭一改操作需要先經過一个誠可疑的授權過程，請照這篇文章的圖片說明操作佮處理喔。 歡迎逐家共這个工具鬥分享予有需求的人，有啥物使用心得嘛反應留話反應。
1/4